Аԥсуа бызшәа ахархәара арҭбааразы, ахәыҷы ихатәы бызшәа изымарианы далацәажәо, идыруазарц азы аԥсышәала иҟоу амультфильмқәа, еиуеиԥшым адырраҭарақәа, хымԥада, ицхыраагӡа дууп. Амультипликатор Асҭамыр Кәыҵниа иааиуа амзазы  иӡыригараны дыҟоуп аԥсуа лакә "Кәтаӷьцәахылԥа" иалху амультфильм. Уи шаҟа аамҭа иҟоу, асиужет шеиҿкаау, аус адулара шцоз, уадаҩрақәас иҟаз, абжьы ахазҵо шалыԥшаау, ахәаԥшцәа хәыҷқәа уи рбарц анрылшо, амульфильм аҭыжьра иацхрааз, абарҭқәа ртәы Аԥсуа радио аефир аҟны еиҭеиҳәеит арежиссиор -амультипликатор Асҭамыр Кәыҵниа.