Енвер Арџьениа.
Лыхнашҭа иқәгылоу шықәса рацәа зхыҵуа аҭәаҵла аиқәырхаразы арҭ амшқәа рзы иҟарҵо атәы Аԥсуа радио аефир аҟны еиҭеиҳәеит ажурналист Енвер Арџьениа.
Ҳкультура иахәҭаку аԥсуа кәашарақәа. Изеиԥшрааз урҭ ажәытәан, изеиԥшрои урҭ иахьа?
Ирина Қәҭелиаԥҳа.
Ашколқәранӡатәи ахәыҷқәа рзы «Анбан» ҭыжьуп. Арҵага шәҟәы еиқәдыршәеит: Ада Кәарҷелиаԥҳа, Земфира Ҵәыџьԥҳа, Ирина Қәҭелиаԥҳа. «Анбан» 1000 цыра Аԥсныҟа иааргахьеит, ашәҟәы ашколқәеи ахәыҷбаҳчақәеи ирызхаша ҭыжьхоит, убасгьы аҭиирҭақәа рышйагьы анагара азгәаҭоуп, лҳәеит Аԥсуа радио аефир аҟны Ирина Қәҭелиаԥҳа.
Светлана Қорсаииаԥҳа.
Хәажәкыра 27 рзы иазгәарҭоит Атеатр жәларбжьаратәи амш. Аԥсуа радио аефир аҟны аҟазараҭҵаара акандидат Светлана Қорсаииаԥҳа Аԥсны иахьа атеатрқәа рыԥсҭазаашьа ахәшьара алҭеит.
Виачеслав Чрыгба
Афилологиатә ҭҵаарадыррақәа рдоктор,апрофессор Виачеслав Чрыгба –Леонардо Да Винчи иан шьҭрала даԥсыуоуп, ма ачеркессцәа дырхаҭарнакуп ҳәа ишьҭихыз агипотеза шьақәырӷәӷәоуп. Италиатәи архив аҿы ааигәа иԥшаахаз аинформациа уи арҵабыргит. Иара инақәыршәаны Леонардо Да Винчи иан Катерина – ачеркессцәа дырхылҵшьҭроуп.
Арда Ашәба.
Аԥсадгьыл ахь архынҳәразы Аԥсны аҳәынҭқарратә еилакы аԥҵоуижьҭеи 30 шықәса аҵра инамаданы имҩаԥгахоит аҭҵаарадырра-практикатә конференциа. Уи еицымҩаԥыргоит Д Гәлиа ихьӡ зху аԥсуаҭҵааратә институти Аԥсадгьыл ахь архынҳәразы аҳәынҭқарратә еилаки. Аконференциа ахықәкы дазааҭгылеит Аԥсуаҭҵааратә институт аиҳабы Арда Ашәба.
